احترت كتير فى امرك واحترت فى حبى ليكى ومن كتر حيرتى فيكى جيت اسأل ولادك جيت ادور معاهم وادخل جوايا وجواهم واشوف اللى فى قلوبهم لكن ولادك زادوا حيرتى لما سألتهم عنك فيهم اللى بيحبك وفيهم اللى بيكرهك ومش عايز يضمك فيهم اللى مش قادر يبعد عنك وفيهم اللى نفسه يسيبك ويبعد فيهم اللى سافر وقلبه معاكى وفيهم اللى مسافر ونسى هواكى فيهم اللى بحياته يضحى عشانك وفيهم اللى بحياته يضحى وهو بيهرب منك فيهم الى خانك
وفيهم اللى حماكى وبحياته فداكى وده كان حال ولادك قولت اسألهم سؤال لقيت السؤال وراه مية سؤال ونفسى القى عندهم جواب طالع من القلب مش كلام حكايات حد فيكم يرد على اللى جاى
بتحب مـــصر ؟
بتحب فيها ايه ؟
شايف مصر ازاى ؟
بتخاف عليها ومعاها بتحس بكلمة وطن ؟
وهو ايه معنى الوطن عندك؟
لو راحت منك راح تعمل ايه ؟
لما بتسمع الاساءه فى حقها دمك بيغلى وتبقى عايز تاخد حقها ولا عادى ؟
بتكره فيها ايه؟تفتكر ممكن تغير ده فيها ؟وازاى نقدر نغيره؟
تقدر تعمل ايه عشانها ؟وتفتكر احنا كلنا ممكن نعمل ايه عشانها؟
فكرت فى حالها فى يوم مع نفسك عشانها مش عشان نفسك؟
اتمنيت فى يوم ان بلد غيرها تكون بلدك ؟
ايه الفرق بينها وبين غيرها فى نظرك ؟
تفتكر لو بعدت هتلقى ارض غيرها تضمك وتحس انها وطنك ؟
هى اغلى عندك ولا فى الاغلى منها؟ ممكن تضحى عشانها ؟ ولاى مدى ممكن تضحى عشانها ؟
كلمه تقولها لمصر لو فعلا حاسس انها وطنك ؟
