على فين واخداني يا سنين عمري ؟؟

على فين واخداني يا سنين عمري
ليالي الغربة طالت والقلب مل الانتظار
في وسط الطريق .. عرفتها
وفي ليلة شتا .. قابلتها
القلب حس الدفا من لمسة إيد
طيف جميل في العيون انرسم
وفي ليلة شتا رجعت تاني لغربتي
والقلب وحيد
عاش مع ذكرى لمسة إيد
حسيتها قدري ومكتوبي
وعلى الجبين حروف اسمها
شافتها العين
وفي ليلة شتا رجع القلب حزين
خايف من هجرها .. من جرحها
في ليلة شتا رجع الدفا
واتجمعوا القلبين
وفي الربيع كان وعدها ..
كان أجمل أيام سنين عمري اللي عشتها
كان نفسي أحضن قلبها
وأحسها .. وأقولها
الليلة ليلة عمرنا .. وحبنا
والقلب واحد مش قلبين
طال انتظاري وفي القلب دمعة عين
قالوا ...
المكتوب ع الجبين لازم تشوفه العين
في ليلة ربيع حسيتها تاني بتبعد
وكل ليلة في بعدها بتفوت سنين
حسيت بخوفها وبحيرتها
وشفت في عيونها الأنين
ودمعتين في الدبلتين
وحرف حزين
في ليلة ربيع كان جرحها
كان صدها .. كان هجرها
وفي عز القلب ما كان محتاجلها
قالت .. كل كلامك في الهوا
وفي ليلة صيف .. انتظرتها
علشان اتأسف لها .. واشكي لها
قسوة قلبها
بس صحيت على جرحها
حتى كلمة وداع ما سمعتها
في ليلة صيف
رجعت أشكي غربتي
ومرارة شوقي ووحدتي
والقلب حزين
وفي ليل الشتا رجعت تاني اشتاق
للمسة إيد
إمتى اللقا يا كل الغلا
يا عمر العمر
يا شمس الأصيل

كلامك جميل جدا واحساسك ععالى
ربنا يوفقك
بس يبقى السؤال
على فين واخداني يا سنين عمري ؟؟؟؟؟؟؟؟؟

» آه يا حب عمري
» اريدك يا عمري