يعني ايه كلمه بحبك

زائر

ياسؤال في القلب حاير
نفسي ألقالك جواب
من زمان والقلب عاشق
والهوى له ألف باب
بس قومت عليها داير
قفلوا ابواب السراب
يعني إيه كلمة بحبك
يعني إيه انا قلبي عاشقك
يعني إيه
هيا كلمة "حب " سهلة
ولا سلة
يترمى فيها الكلام
ولا كلمة ذل ذلة
ولا ولا
لوباعوها تسوى كام
يعني إيه كلمة بحبك
يعني سهران الليالي
برسمك وردة فـ خيالي
واديهالك تقطفيها واحدة واحدة
يمكن اطلع مش بحبك
يعني إيه كلمة بحبك
يعني لما أشوفك اجري
فاتح الدراعين لقلبي
لجل يحضن من نسيم الحب عمرك
يعني إيه كلمة بحبك
يعني أحفر فوق جدار القلب حرفك
ولا أرسم قلب مضروب سهم في الجنب الشمال
ولا لجل ما اقول بحبك
أسألك مليون سؤال
يعني إيه كلمة بحبك
يعني ميسد وكام رسالة
ولا حالة
يا سؤال في القلب حاير
نفسي ألقالك جواب

تعالى هنا اقولك يعنى ايه
يعني ايه كلمه بحبك
يعني حروف اسمي واسمه متجمعين
محتاجين لحنان قلوبنا
يعني قلبي ويا قلبه مشتاقين
يعني انا مخلوقه ليه يعني انا عايشه لعنيه
يعني لسه في حياه رغم كل ويل و اه
لما تحس قلب ضمك جوة حضن
لما تحب حتي دنيا كل ما فيها حزن
لما تنسي هم عمرك وانت بس في قلب قلبك
اما تملك دنيا اجمل ما شفها حد
دنيا تشوفها في عينيه بين كلامه في لمسه ايديه
ياااااااه دي دنيا دنيا هاديه دنيا كل ما فيها حب
حب يخطف حب يسرق حب يملك كل قلب
مش مهم اذاي وليه المهم انا بين ايديه

» كلمه بحبك بكل اللغات اهداء
» بحبك ليه يا حبيبى
» هل تعلم ان كلمه الو تخصركمائه وعشرون حسنه
» الله يسعدك ( بحبك )
» حبيبي..بحبك صرت أميرة النساء